2 0 1 6
mool luege was do usse kunnt........
2015
Z`Basel a mim Rhy
schwimmt dr Merlin nimmi verby
Es het ne ufe Rugge keert und derby s`ganz Kies usgleert
dr Käpitän meint, dä Kahn wird nie me glänze drum isch es besser, am Cortège z`schränze
2014
2 0 1 3
Wenn z Basel wottsch e Sehenswürdigkait finde,
so muesch doch z eerscht ainigi Baustelle iiberwinde
In Basel gits nämmlig Baustelle noch und nööcher,
den doo graabe sy an jeedem Egge groossi Leecher
Erneiered het mee au dr Spaalebäärg.. vo oobe bis ganz unde,
und het bim graabe au no Iiberräschte vo-me-ne Friidhof gfunde
Dorum isch ab sofort e jeede Gugge-Zwärg,
e glains Stiggli vom Spaalebäärg
2 0 1 2
Achtung, Achtung geehnd uff d Syte
do kemme d Zwärgli mit ganz fyyse Pharasyte
in unserne Affe isch dr Wuurm dinn,
daasch au dr Grund, wiesoo si in ärztliger Behandlig sinn
E Lääbe lang griege d Gorilla jetz e Therapie
mir hoffe, bi uns isch das no drei Daag noonig verbyy
E rächti Doosis Fasnacht dien mir uns spritze,
und sinn iberzygt, numme das kaa eppis nitze
2 0 1 1
Minschterkääs, Gwürztraminer und e heisse Flammekueche,
e neis Tattoo, das kasch jetz im Elsass bsueche
Dr Waggis simmer ussem Elsass go hoole
drum hän si uns, jetz au s Tattoo uss Basel gstoole
2 0 1 0
Bonne année, roi Couchepin aadie
dini Granggekasseprämie, die dien wee
Als Schwyzer Narre dien mir in de Gasse schränze
und dr Couchepin kha doorum no e letscht s mool als Keenig glänze
Gmulche hett är s Volgg drotz allem gäärn
drum lauffe mir jetz als Narre hinder däm Walliserstäärn
2009
D Angscht vo dr Rezession die kenne mir nid,
in 25-Jòòr machsch als Zwärgli so ainiges mit
E ständigs uff und ab, wie keent s au anderscht syy
und an de dreey scheenschte Dääg isch alles vergässe und verbyy